south kensington

移民英國一個月

過左一開頭的蜜月期,個感覺唔再係獵奇, 而係確實係要係度生活。

未嚟之前個一年,每一日都諗點樣可以移民過黎,其實真係得個勇字。你話嚟到點生活點工作,真係黎到先知咩環境。

衣食住行,工作全部輕輕講下。

衣: 買衫同香港分別不大,但呢度d氣溫真係玩死人。琴日著一件褸覺得熱,今日著2件褸都凍到入心,而家死都帶件褸放入背囊。

食: 出街食無平野,食個lunch無£8到9磅唔掂。最平去supermarket有£3餐,三文治+snack+汽水,已經最抵。同埋款都係來來去去意粉,pizza, 扒, burger,fish n chips.

住 : 租個apartment一房都600呎,2個人住好大。乜都好,係呢度d水有mineral, 水跡問題好勁。你有濕水唔抹第日係會成個白印,成日要抹水。

行 :搭車貴到顛,搭一個地鐵站都£1.5… 而家成日行路,又可睇下風景。好在屋企有巴士返studio, 來回£3,返公司先無咁重皮。

工作: 其實近乎放低曬香港d 客過黎,基本上要重新搵過曬d客同開始新connection. 同當年轉行近似,只有咬實牙關走出comfort zone去識西人la..

其他野方面,呢度d人講英文口音同連音多,又有slang, 開個劇黎睇聽得明一半都無,真係要練多d listening…

總結: 好心急做好多野,但又急唔黎..

打到一舊都唔知打乜,見諒。

鐘意呢篇文章就幫我Share出去,謝謝!
error: Content is protected !!